قصة خيبة أمل
محتويات المقال
قصة خيبة أمل
_________
أستيقظت أمل على لمسات حانية طفولية.
ماما حبيبتي أصحى بقى كده هنتأخر على بطولة النادي.
قالها زياد بطفولية:
ردت أمل بحنان:عيون ماما صباح الفُل على قلب ماما من جوه يلا علشان نجهز أحلي بطل في الدنيا أنا متأكدة أنك هتفوز يا روح ماما، هتبقى أحلي سباح في الدنيا.
______________________
 |
| قصة خيبة أمل |
زياد زياد.
هتفت بها أمل بتشجيع:
تم إعلان النتيجة، فوز زياد بالميدالية الذهبية.
قال زياد بفرحة ممزوجة بالحُزن:
أنا مبسوط أوووي يا مامي أني كسبت هو بابي مش هيجي يشجعني زي كُل مرة.
قالت أمل بحنان أُم:
بابا مشغول ياحبيبي ماأنت عارف وبعدين ماهو بيعمل كُل ده علشانك علشان لما تكبر تبقى كُل الحاجات دي بتاعتك.
قال زياد بإعتراض:
بس أنا مش عاوز فلوس أهم حاجة عندي أنتي وبابا.
ردت أمل محدثة نفسها:
عندك حق يا زياد أنا ضيعت الحُب بإيدي وجريت ورا الفلوس، النتيجة أني عايشة مع إنسان بيفكر في نفسه وبس.
قال زياد بطفولية:
مامي أنتي روحتي فين بكلمك أنا جعان.
قالت أمل بمرح:يلا يا بطلي نأكُل.
بعد الإنتهاء من تناول الطعام
همت أمل بالمغادرة برفقةزياد.
وجدت طفلة صغيرة وحيدة تبكي.
أقتربت منها مالك يا قمر بتعيطتي ليه.
قالت البنت بطفولية:
بدور على بابي قالي هروح أجيب لك أيس كريم وأتأخر.
ردت أمل بطيبةأُم:خلاص أنا هفضل
معاكي لحد ما بابا يجي.
أمل.
ردت أمل بإستغراب:ها
رددت أمل بصدمة:أسامة
أقترب أسامة من طفلته: أنتي كُنتي فين أنا دورت عليكي كتير
ردت أمل الصغيرة بطفولية: أنا كويسه يا بابي كُنت واقفةمع طنط الحلوة دي.
أستقام أسامة ليشكُر هذة السيدة.
ردد بصدمة: أمل أنتي بتعملي إيه هنا.
ردت أمل بتوتر:كُنت مع أبني علشان بطولته.
ربنا يبارك لك فيه.
قالها أسامة بود:
قالت أمل بتحفُظ:ويحفظ لك بنتك.
غادرت أمل برفقة زياد، ظل أسامة ينظر في أثرها حتى أختفت.
_____________________
حبيب مامي روح خُد شاور عقبال ما أنا أطلع أرتاح شوية.
أومأ زياد بطاعة:
دلفت أمل إلى غرفتهاوالصدمة مرسومة على محياها، عادت بذاكرتها لذكرى قديمة.
Flash Back:
وبعدين معاك.
قالتها أمل بزهق:
وبعدين معاكي أنتي إيه اللي غَيرك ده أنا كُنت أول ماأكلمك بتردي، دايمًا كُنت ببقى وحشك، لكن دلوقتي مش عاوزة نتقابل ليه إيه اللي أتغير أنطقي.
قالها أُسامة بإنفعال شديد:
اللي أتغير أن جايلي عريس، جاهز ومستعد يتجوزني حالًا.
قالتها أمل بوضوح:
ردد أسامة بصدمة:
تتجوزي طب وأنا كُنت إيه في حياتك.
قالت أمل بتأفف:الحُب حاجة والجواز حاجة تانية، أنت المشوار قدامك طويل، أنا مش مستعدة أستناك وياعالم ظروفك هتتحسن ولالأ.
رد أُسامة بذهول:
بقى ده رأيك في حُبنا بس تمام أنا هوريكي هوصل لإيه وبكره أنتي اللي تتمني نظرة مني، ومش هتنوليها
سلام يا خيبة أملي.
Back:
أمل أمل إيه سرحانة في إيه كُل ده بقالي كتير بكلمك ولاأنتي هنا.
قالها شريف بعصبية:
جففت أمل دموعها ثم قالت بعتاب:
وبعدين معاك يا شريف أنا مأكدة عليك أنك لازم تحضر بطولة زياد الولد حاسس أنك مش بتحبه وأنا كمان حاسه أني مش في حساباتك أنت أتجوزتني ليه علشان تعذبني.
قال شريف بشراسة شديدة:أنتي اللي وافقتي وكُنتي بتجري ورايا محدش ضربك على إيدك دلوقتي مبقتش عجباكي العيشه مش ده اللي كنتي عاوزاه فلوس وسفر عاوزة إيه تاني أنتي عارفة أن اللي بينا عُمره ما كان حُب كان مصلحة متبادلة أنا أكمل الشكل الإجتماعي وأنتي تحققي أحلامك.
نهي كلامه وغادر الغرفة بغضب لكن قبل أن يغلق الباب قال بجدية:
أعملي حسابك النهاردة عندنا حفلة مع شريكي الجديد وياريت تعملي دورك كويس على أنك سيدة مجتمع ومدام شريف الأنصاري.
بعدما غادر ظلت أمل تبكي وتلعن حظها لمده طويلة إلا أن أنتهت من جلد ذاتها وقامت بكل قوة وإصرار مقررةالتمرد على حياتها.
______________________
قال شريف بإبتسامة مصطنعة:
أحب أعرفك يا حبيبتي شريكي الجديد أسامة الشهاوي.
وقفت أمل في صدمة بينما أكمل شريف حديثه ودي تبقى مدام أمل الأنصاري حرمي المصون.
مد أسامة يده بإحترام ليصافحها:أتشرفت بمعرفتك يا مدام،متشكر على وقوفك جنب بنتي النهارده.
قال شريف بإستغراب ودهشة رُسِمت على محياه:أنتو تعرفو بعض.
ردت أمل بتوتر ظهر واضحًا:أبدًا كُل الحكاية أن بنت أسامة بيه كانت تايهه في النادي وأنا لقيتها وفضلت معاها لحد ما جه.
أومأ شريف بتفهم:أُمال هي فين هي والمدام مجوش معاك ليه.
رد أسامةبحُزن:أنا المدام بتاعتي متوفية من وهي بتولد وبنتي قعدة مع والدتي لأن مالهاش في الجو ده
وعن أذنكم لأن مقدرش أتأخر عليها وشكرًا على الحفلة الحلوة دي وفرصة سعيدة يا مدام مرة تانية.
_____________
"بعد إنتهاء الحفل":
" في غرفة شريف وأمل":
أنا عاوزة أطلق.
جملة ألقتها أمل وسط دهشة شريف بِنُطقها:
قال شريف بدهشة:
أنتي بتقولي إيه أكيد أتجننتي.
قالت أمل بنفي وثبات عكس خوفها الداخلي من شريف وجبروته:
لاأنا عقلت كُنت فاكرة الفلوس هي الأمان بس طلعت ولاحاجة أنا بقولها لك ياشريف ياأنصاري أنا لا عاوزة لانفوذك ولاسُلطتك أنا عاوزة أرجع إنسانة طبيعية وأعيش أحلامي اللي أتحرمت منها وأربي أبني بطريقة سوية بدل ما يطلع زيك.
قال شريف ب لامبالاة ظاهرية:تمام ياأمل هانم أنتي طالق وكُل حقوقك هتوصلك وده مش علشانك ده علشان أبني يعيش في مستوى يستاهله.
بعدما أنتهى من كلامه توجه إلي خارج الفيلا بأكملها.
بينما تنفست أمل الصعداء وظلت تحلم بحياة جديدة برفقة أبنها زياد َ حتى بزوغ الشمس.
_______________
أنتهت أمل من جمع أغراضها هي وزياد وعند نزولها من على الدرج قابلت شريف الذي نظر لها ب لامبالاة ولم يُحدثها.
عندما خرجت أمل من بوابة الفيلا برفقة زياد.
حدثت نفسهاوهي تنظر إلى الفيلا من الخارج:
ضيعت أجمل سنين عمري وأنا بجري ورا الفلوس وبعت الحُب بالرخيص وأهو لاالحب نفعني ولاالفلوس أديتني السعادة وأديني خارجة علي أمل بداية جديدة زي أسمى مع أبني بدل خيبة الأمل اللي عشتها.
___________________________
"بعد مُرور فترة من الوقت":
ياماما يلا بقى هنتأخر.
هتف بها زياد:
أنا جهزت أهو بس متوترة أوووي.
قالتها أمل بتوتر ظاهر على محياها:
قاطعها زياد بإنبهار:
الله الله مش كفاية أنك سيدة أعمال ناجحة وحفلة معمولة على شرفك كمان زي القمر ده أنا أصحابي كُلهم مش مصدقين أنك مامتي أنا فخور أني أبنك.
قالت أمل بسعادة:
أنا اللي فخورة أنك أبني، كُنت السند ليا وقت ما كُل الناس أتخلت عني.
__________________________
"في أكبر قاعات الإحتفالات بالقاهرة الكبرى".
يقام حفل يجمع أكبر رجال الأعمال.
على منصة الجوائز تم تسليم أمل جائزة السيدة الأولى لهذا العام في مجال الأزياء.
قالت أمل بسعادة:
أنا فخورة للي وصلتلو وعاوزة أقول لكُل ست أن ما فيش حاجة أسمها فات الأوان علشان تلاقي نفسك من جديد، أن الفشل مرة مش معناه الإستسلام لكن ممكن يبقى بداية جديدة المهم الإصرار.
صفق الجميع على حديثها.
بينما هي أكملت محدثة نفسها وأخيرًا حققت حلمي ولقيت نفسي وعملت بداية حياة جديدة تكون بداية كلهاأمل.
بينما رددت داخلها بثقة: بداية أمل
تمت بحمد الله.
